Ma ki ladli,............

Ek phool ki pankhdi si,
Jhumti thi idhar udhar,
Ek komal koyal si,
chhakti thi din bhar.

Ma ki ladli,
Baap ki dulari,
Pali thi pholon ke palne mein,
Ek pyari si rajkumari.


Udna chahti thi khule akash mein,
Rehti thi sada doobi apne hi khayalon mein,
Dhundne chali ek din apne sapno ki rah,
Vahan mili usse katon ki chav.

************


Suhane sapne jaise tut gaye,
Apno ke hath bhi chuth gaye,
Roti bilakhti vo akeli si,
Ban ke reh gayi ek paheli si.

Raja ko rank bante dekha usne,
Phir apni hi kahani ko kuch is tarah likha usne,
Ki ansuon ka marg phir banaya usne,
Dagmagati ladkhdati chali ahiste ahiste.

Ansuon ka baand kuch is tarah bana,
Logon ke shabdo ka teer phir kabhi na chubha.
Sadiyan beeti mausam badle,
Phool kuch is tarah khile,
Rahein ek bar phir aasan huyi,
Gam ki chav jaise fanaa ho gayi.

Bichde huye dil ek baar phir mile,
Zindagi ke mayne phir pure huye,
Ek bada sabak mila in sapno se usse,
Zindagi ka matlab phoolon ki sej hi nahi,
Kanton ki rah bhi hai ye jana usne