Badla jo waqt...............

badla jo waqt gehri rafaqat badal gai
suraj dhala to saaye ki surat badal gai
ek umar tak main us ki zarorat bana raha
phir youn hua k us ki zarorat badal gai.......


***********

Faza ka habs shagoofoon ko baas kia de ga
Badan-dareeda kisi ko libaas kia de ga...?


Yeh dil keh qeht-e-anaa se ghareeb thehra hai
Meri zubaan ko zar-e-iltmaas kia de ga....?


Yeh shehr,yun b to dehshat bhara nagar hai,yahan
Walwloon ka shor hawa ko hiraas kia de ga...?


Woh zakhm de k mujhay hoslaa bhi deta hai
Ab es se barrh kar tabiyat shanaas kia de ga..?


Jo apni zaat se bahir na aa saka ab takk
Woh pathhroon ko mataa-e-hawaas kia de ga.?


Woh meray ashk bujhaye ga kis tarah MOHSIN
Smandroon ko woh sehraa ki pyaas kia de ga..?