KHWAHISH.........

Ye jo khawahishon k hain silsile
Ye ajeeb tarz k hain silsile
Yhan manzilain hain qadam qadam
Yhan justaju hai nafas nafas
Kae manzilon tak pohanch gae
Kae raste main hi kho gae
Kae ho gae hain shikastapaa
Kae thak k raah main so gaye
Kae zindagi k suragh main
Kae moat k bujhte charagh main
Dhund rahe hain wohi manzilain
Jahan pohanch kar woh ja millain
Unhi khwahishon se jo mil gaen
Unhi aarzoon se jo na mil sakeen
Yhan aik baat hai mushtrik
Wo jo mil gae,woh jo na mile
wo jo pa gae ,woh jo kho gae
sabhi khwhishon k aseer hain
Sabhi manzilon k rahgeer hain
Sabhi zindagi ki justaju main
Hain moat ki jaanib Rawa’n Dawa’n
Har shay yahan hain dhuan dhuan
Jo kal huwa ya na huwa
Magar khwahishon k yeh silsile
Rahain ge aise hi DambaDam